Зеленский Путиннинг яқин одами – Медведчукни алмашишга тайёрлигини маълум қилди
Украина президенти Владимир Зеленский хоинликда айбланган украиналик сиёсатчи Виктор Медведчукни алмашишга тайёрлигини билдирди. Бироқ Москвадан ҳозирча жавоб бўлмади.
«Зеленский Украина Виктор Медведчукни алмашишга тайёрлигини яна бир бор таъкидлади, бироқ ҳозирча Россия Федерациясидан ҳеч қандай жавоб бўлмаган», — дейилади УНИАН агентлиги хабарида.
Эслатиб ўтамиз, аввалроқ уй қамоғидан қочиб кетган сиёсатчи Виктор Медведчук қўлга олингани эълон қилинганди.
Таъкидлаш жоизки, Медведчук мамлакатда уруш бошлангач, номаълум томонга қочганди.
Бу шахс Украинада россияпараст ва Владимир Путиннинг яқин одами сифатида кўрилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter