Зеленский Украинани «Киев Русининг ягона меросхўри» деб атади. «У ҳолда Украинанинг бир қисми Рус ўлкаси деб номланишидан хафа бўлманг», жавоб қайтарди Захарова.

Украина президенти Владимир Зеленский Украина давлатчилиги куни муносабати билан қилган мурожаатида Украина Киев Русининг ягона меросхўри эканлигини айтди.

«Украина давлати камида бир ярим минг йил аввал мавжуд бўлган. Кий, Щек, Хорив ва Либедь Украина пойтахтига асос солишган ва Украина Киев Русининг ягона қонуний меросхўри саналади», — деди Зеленский.

Зеленский, шунингдек, Украина «мустамлака, анклав, протекторат, ўзга империяларнинг бир қисми, «ички ҳудуди», иттифоқ республикаси, автономия эмас, балки эркин, суверен, бўлинмас ва мустақил давлат экани»ни таъкидлаган.

Россия Ташқи ишлар вазирлиги Зеленскийнинг «Киев Руси вориси» ҳақидаги сўзларига дарҳол кинояли муносабат билдирди.

«Княз Владимир, Украинанинг бир қисми Рус ўлкаси деб аталишидан хафа бўлманг», деди вазирликнинг расмий вакили Мария Захарова.