Янги Сурия: эски конституция бекор қилинди, «Баас» партияси тарқатиб юборилди, 8 декабр — байрам
Суриянинг янги ҳукумати 2012 йилги конституция ўз кучини йўқотганини маълум қилди. Бу ҳақда ҳарбий амалиётлар бошқармаси баёнот берди.
«2012 йилги конституция ҳамда фавқулодда тартибда қабул қилинган барча қонунлар бекор қилинади», — дейилади баёнотда.
Шунингдек, 8 декабр «буюк Сурия инқилоби ғалабаси» шарафига миллий байрам деб эълон қилинди.
Суриянинг янги ҳукумати етакчиси Аҳмад аш-Шаръа ўтиш даврида мамлакат президенти вазифасини бажаради, дейилади баёнотда.
Яна бир жиддий сиёсий воқеа — Сурияда 60 йилдан зиёд ҳукмрон бўлиб келган «Баас» партияси тарқатиб юборилди.
Reuters манбасига кўра, янги ҳукумат Россиядан Суриянинг собиқ президенти Башар Асадни топширишни сўраган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter