Украина Путиннинг Эрдўғон билан учрашишига муносабат билдирди
Украина ташқи ишлар вазири Дмитрий Кулеба Испаниянинг Толедо шаҳрида бўлиб ўтган Европа Иттифоқи ташқи ишлар вазирларининг норасмий йиғилишида сўзлаган нутқида Россия ва Туркия президентлари Владимир Путин ва Ражаб Тоййиб Эрдўғоннинг бўлажак учрашуви ҳақида гапириб ўтди.
Вазирнинг айтишича, бу Россия Федерациясининг дон битимига қайтиши учун охирги имкониятдир.
Кулебанинг фикрича, сентябр ойи «дон келишуви ва тинчлик формуласи нуқтаи назаридан» муҳим вақт.
«Биз биламизки, Путин ва Эрдўғон ўртасида учрашув бўлади. Бу Россиянинг Қора денгиз ғалласи бўйича келишувга қайтиши учун деярли охирги имконият», — деди Кулеба.
Илгарироқ Владимир Путин ва Ражаб Тоййиб Эрдўғон 4 сентябр куни Сочида учрашиши ҳақида хабар берилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter