Туркия чемпионатида оммавий муштлашув содир бўлди (видео)
Туркия чемпионатида «Фенербаҳче» футболчилари учрашувдан кейин «Трабзонспор» мухлислари билан муштлашиб кетишди.
Туркия Суперлигасининг 30-туридан ўрин олган «Трабзонспор» – «Фенербахче» учрашуви (2:3) меҳмон жамоа футболчилари ва мезбонлар мухлислари ўртасидаги жанжал билан якунланди.
«Фенербахче» 87-дақиқада ҳал қилувчи гол уриб, ғалаба қозонди.
Финал ҳуштаги янграганидан сўнг «Фенербахче» футболчилари ғалабани майдон марказида ҳиссиёт билан нишонлашди, бу эса мезбон жамоа мухлисларига ёқмади. Улар майдонга югуриб тушишиб, футболчилар билан муштлашувга киришиб кетишди.
Туркия чемпионати турнир жадвалида «Фенербахче» 79 очко билан иккинчи ўринда бормоқда. «Трабзонспор» 49 очко билан учинчи банд қилган. Биринчи ўринни 81 очко тўплаган «Галатасарой» эгаллаб турибди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter