Соҳилда ўйнаётган қизалоқ қумга «чўкиб» кетди
Одатда пляжларда одамлар мазза қилиб дам олишади, аммо бу сафар юз берган фожеа кўпчиликни саросимага солди. Флорида (AҚШ) пляжларидан бирида қутқарувчилар қизалоқни қум остидан чиқариш учун жуда кўп ҳаракат қилишларига тўғри келди. Гап шундаки, 7 ёшлардаги қизалоқ ўзи тенги болакай билан пляжда қум ўйнаётган ва катта чуқур қазишга ҳам муваффақ бўлишган эди. Aммо бир ярим метр ковланган «девор қум» қулади ва пастдаги болаларни кўмиб қўйди.
Болакай кўкрагигача кўмилиб қолгани учун тирик қолди, аммо қизалоқни қум остидан топишганида у нафас олмаётган эди. Aфсуски, қизалоқ кўрсатилган ёрдамга қарамай вафот этди.
Мазкур ҳолат юзасидан тергов бошланган. Болалар бу катта туйнукни фақат ўзлари эмас, катталар кўмагида қазиган бўлиши мумкин деган тахминлар ҳам мавжуд.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter