Молдованинг Россиядаги собиқ элчиси Анатолий Цэраннинг ўғли Теодор отиб ташланди. Бу ҳақда «РИА Новости» хабар бермоқда.

«Пойтахт Кишинёв шаҳрининг Буюкан мавзесида ўқ овози эшитилгани ҳақида ҳуқуқни муҳофаза қилувчи органларга қўнғироқ бўлган. Воқеа жойига патруль батальони жўнатилди. Ҳуқуқни муҳофаза қилувчи ташкилотлар ходимлари воқеа жойидан 30 ёшли кишининг ўқ еган жасадини топишди. Қисқа фурсатда 32 ёшли жиноятчи ҳам қўлга олинди», – дейилади хабарда.

Отиб кетилган киши Молдованинг Россиядаги собиқ элчиси Анатолий Цэраннинг ўғли Теодор Цэран экани аниқланди.

Воқеа жойидан тўппонча топилган. Совуқ қурол билан элчининг ўғли ҳаётига нуқта қўйилган.

Жиноятчи қўлга олинди. Унга нисбатан жиноят иши қўзғатилган.

Полиция бош инспекцияси бошлиғи Александр Пинзарнинг айтишича, жиноятчи қурбоннинг қўшниси бўлган.

Ёшлар ўртасида жанжал чиққан. Жиноятчи ушланганида маст ҳолда бўлган.

Молдова қонунларига кўра, жиноятчи 10 йилдан 15 йилгача озодликдан маҳрум қилиниши мумкин.