Футбол бўйича 2022 йили Қатарда ўтказиладиган жаҳон чепионати иншоотларини қуришда ҳар ҳафта 12 киши қурбон бўляпти, дея хабар беради «Gazeta.ru».

Бу ҳақда Халқаро касаба уюшмалари конфедерацияси (МКП) маълум қилган.

Ҳозир қурилишда ишлаётган муҳожирлар сони 1,2 миллион кишига етган. Ҳукумат яқин вақт ичида муҳожирлар сонини яна миллион кишига етказмоқчи.

Ўлим бахтсиз тасодиф туфайли эмас, балки иш шароитидан келиб чиқиб содир бўлмоқда. Одамлар 50 даража иссиқда ҳам меҳнат қилишяпти. Ишлаш учун зарур шароитлар йўқ.

Айтилишича, иш берувчилар қонунга риоя қилишмаяпти, ишчиларни қўрқитиб, маошларини бермаяпти, ишчиларнинг паспортларини ҳам олиб қўйишган.

Ҳиндистоннинг Қатардаги элчиси айтишича, 2018 йилнинг биринчи ярмида Қатарда 82 нафар ҳинд ҳалок бўлган. 1460 киши ноқулай меҳнат шароитидан шикоят қилган. Етмиш нафар непаллик фуқаро ишни ташлаб, ўз консуллиги орқали уйларига кетиб қолган. Уларнинг ҳужжатларини тортиб олишган, маошларини тўлашмаган.