Полицияга 4250 марта қўнғироқ қилган япониялик ҳибсга олинди
Япониянинг Абиго шаҳрида яшовчи Юки Симидзу қўшнилари устидан шикоят қилиб, полицияни бир неча минг марта безовта қилгани учун ҳибсга олинди, деб хабар берди Japan Today.
46 ёшли бу эркак пастки қаватда яшовчиларни шовқин солиб жамоат тартибини бузишда айблаб келган.
Маълум бўлишича, шу тариқа у бир йил давомида фавқулодда хизматларга 4250 марта ёлғон қўнғироқни амалга оширган.
Чақирув бўйича етиб келган полициячилар ҳеч қандай шовқинни қайд этишмаган. Таъкидланишича, у 14 феврал кечки соат бешдан тўққизга қадар 14 марта полицияга қўнғироқ қилган. Бу пайтда шу ерда навбатчилик қилган полиция ходимлари ҳеч қандай шовқинни эшитишмаган.
«Қўшниларидан норози эркак» ҳуқуқни муҳофаза қилувчи органлар ишига халақит беришга уринганликда айбланиб, полиция маҳкамасига олиб кетилди, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter