Ой йўқолиб кетиши мумкин бўлган объектлар рўйхатига киритилди
Жаҳон ёдгорликлар жамғармаси (WMF) Ойни йўқолиб кетиши мумкин бўлган маданий мерос объектлари рўйхатига киритди. Айтилишича, бўлғуси тижорий рейслар Ернинг табиий йўлдошига салбий таъсир қилиши мумкин.
The Guardian ёзишича, Жаҳон ёдгорликлар жамғармаси одатда Ердаги ҳимояга муҳтож объектларни рўйхатга олади. Бу йил рўйхатга, Ой билан бирга, Анд тоғларидаги испанларгача бўлган йўл тизими, Туркиядаги Антакя (Антиохия), Япониядаги зилзиладан талафот кўрган Ното яримороли ва бошқалар — жами 25 та объект киритилди.
Жаҳон ёдгорликлар жамғармаси рўйхатидагиларнинг аксарияти Украина ва Ғазо каби уруш кечаётган ҳудудларда жойлашган ёки иқлим ўзгаришлари туфайли хавф остида қолган объектлардир.
Эслатиб ўтамиз, 15 январ куни SpaceX Ойга қўнадиган иккита кемани учирган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter