30 январ куни Вашингтонда йўловчи самолёт ҳарбий вертолёт билан тўқнашиб кетган ва дарёга қулаганди.

Самолётда 4 нафар экипаж аъзоси, 60 нафар йўловчи, хусусан улар орасида бир неча фигурали учувчилар бор эди. Уларнинг барчаси ҳалок бўлгани айтилди.

Маълум бўлишича, бир спортчини ўз ити бу рейсдан олиб қолган. 

26 январь куни АҚШда фигурали учиш бўйича жаҳон чемпионати бўлиб ўтди. Турнир якунланганидан сўнг, айрим спортчилар қайтаётган самолётда ҳалокатга учради. Самолёт Вашингтон яқинида қулаб тушди. Бахтли тасодиф туфайли фигурали учувчи Жон Маравилла ушбу самолётга чиқа олмади. Унинг аэропортдан ортга қайтишига ити сабабчи бўлди.

«Рўйхатдан ўтиш жойида ходим менга итимнинг вазни оғир эканини айтди, гарчи бу бизнинг қайтиш рейсимиз бўлса ҳам. Шу сабабли биз автомобилда қайтишга қарор қилдик», дейди спортчи.

Эслатиб ўтамиз, президент Шавкат Мирзиёев фожиали авиаҳалокат оқибатида кўплаб инсонлар ҳалок бўлгани муносабати билан  АҚШ президенти Дональд Трампга таъзия мактуби йўллаганди.