Zelenskiy ortidan Putin ham Prigojin o‘limi haqida gapirdi
Rossiya prezidenti Vladimir Putin Tver viloyatida samolyot halokatiga uchrab halok bo‘lgan Yevgeniy Prigojinning o‘limi xususida gapirdi.
Putin Prigojinni «faol tadbirkor va iste’dodli inson» deya atagan va uning xorijdagi harakatlarini ham alohida ta’kidlab o‘tgan.
«Ushbu aviahalokatga kelsak, birinchi navbatda, barcha qurbonlarning oila a’zolariga hamdardlik bildirmoqchiman, bu har doim fojia», — dedi Vladimir Putin.
Eslatib o‘tamiz, samolyot halokatida o‘n kishi halok bo‘ldi, ushbu ro‘yxatda Yevgeniy Prigojin ham bor.
24-iyun kuni Rostovdan Moskvaga yurish boshlagan Prigojinning harakatlarini Putin «xoinlik va ortdan pichoq urish» deya atagandi.
Ta’kidlash joizki, Prigojinning o‘limi haqida Ukraina rahbari Vladimir Zelenskiy ham gapirgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter