Yo‘lovchi avtobusi ko‘prikdan qulab, mikroavtobus ustiga tushdi (foto)
13 sentyabr kuni Qozog‘istonning Kaskelen shahriga kiraverishda YTH sodir bo‘lib, 8 kishi jabrlandi, deb yozadi «Zakon.kz».
Yo‘lovchi avtobusi janubga, Qaskelen shahri tomon harakatlanayotgan bo‘lgan. Dastlabki ma’lumotlarga ko‘ra, haydovchining qon bosimi ko‘tarilib ketib, boshqaruvni yo‘qotgan.
Avtobus o‘ng tomonga burilib, beton to‘siqqa borib urilgan, so‘ng zarbadan u qarama-qarshi harakatga o‘tib ketgan va to‘siqni buzib o‘tgan holda ko‘prikdan pastki yo‘lga qulagan.
Bu vaqtda Mercedes-Benz Sprinter mikroavtobusi Bishkekdan Olmaota tomon ketayotgan bo‘lgan. Avtobus uning ustiga tushgan.
Qayd etilishicha, hodisada hech kim qurbon bo‘lmagan, sakkiz kishi jarohat olib, shifoxonaga yotqizilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter