Turkiya qor va yomg‘ir iskanjasida (video)
Turkiya noqulay ob-havo qiyinchiliklariga duch keldi: mamlakatning bir qismida kuchli yomg‘ir suv toshqinlarini keltirib chiqargan bo‘lsa, yana bir qismida qor ko‘p yoqqanidan aholi tashqi dunyodan uzilib qoldi, deyiladi TSN telekanali xabarida.
Turkiya janubida yomg‘ir oqibatida bir nechta aholi maskanini sel bosdi. Yo‘llar daryoga aylangan, ikkita ko‘prikni suv oqizib ketgan.
Mamlakat sharqida esa kuchli qor yog‘ishi to‘xtamayapti. Oqibatda Mush viloyatidagi 60 dan ziyod aholi maskani tashqi dunyodan uzilib qoldi. O‘nlab avtomobillar ko‘chalarda to‘xtab qoldi, deyiladi xabarda.
Noqulay ob-havo jamoat transport va elektr ta’minoti faoliyatida buzilishlarga olib keldi. Ayrim aholi maskanlarida maktablar havo yaxshilanganiga qadar vaqtincha yopildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter