AQSh sobiq prezidenti Donald Trampning iddao qilishicha, AQSh prezidenti Jo Baydenning «layoqatsizligi tufayli Qo‘shma Shtatlardagi demokratiya tahdid ostida». 

U Baydenni «demokratiya uchun jiddiy tahdid» deb atadi. Trampning fikricha, bunga asosiy sabab siyosatchining layoqatsizligidir.

«Bundan tashqari, u o‘zining siyosiy raqibi, ya’ni menga qarshi kurashda Adliya vazirligi va FQBdan foydalanmoqda», - deya ta’kidladi u.

Avvalroq Tramp amaldagi davlat rahbarini «Amerika Qo‘shma Shtatlari tarixidagi eng yomon rahbar» deb atagan edi. Uning ta’kidlashicha, Tramp o‘z chiqishlarida minglab tarafdorlarini to‘playdi, Oq uyning amaldagi egasining chiqishiga esa deyarli tashrif buyuruvchilar yo‘q.

Avvalroq Jo Baydenning o‘zi Rossiya prezidenti Vladimir Putinni «bandit» deya atagandi.

Bu Amerika prezidentining Putin haqidagi birinchi ayblovi emas. Ikki yil oldin, xuddi shunday tadbirda Bayden Rossiya rahbarini «toza bandit» deb atagan edi. So‘nggi yillarda u Rossiya prezidenti haqida bir necha bor qattiq va haqoratli so‘zlarni ishlatdi.

Baydenning ushbu so‘zlarini Kreml javobsiz qoldirmadi.