Tatarskiyga haykalcha sovg‘a qilgan qiz qo‘lga olindi
Rus harbiy jurnalisti Vladlen Tatarskiyning o‘limida gumonlanib qidiruvga berilgan Darya Trepova qo‘lga olindi.
Sankt-Peterburgdagi kafeda sodir etilgan portlashga aloqadorlikda gumon qilingan Darya Trepova tezkor xizmatlar tomonidan qo‘lga olindi, deb xabar berdi Tergov qo‘mitasi.
Qayd etishicha, u shahardagi oldindan ijaraga olingan xonadondan topilgan.
Uchrashuv ishtirokchilarining aytishicha, portlashdan oldin tadbirga kelgan va o‘zini Anastasiya deb tanishtirgan qiz Tatarskiyga haykalchani sovg‘a sifatida topshirgan.
Tergovchilar tekshirayotgan versiyalardan biriga ko‘ra, bu haykalchada radio signali yordamida faollashtirilgan portlovchi qurilma bo‘lgan. Harbiy muxbir portlash oqibatida halok bo‘lgan, 30 dan ortiq kishi jarohat olgan.
Avvalroq Darya Trepova qidiruvga berilgani xabar qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter