Yamaha Motor kompaniyasi prezidenti Yosixiro Hidakaning qizi otasiga pichoq bilan hujum qildi. 

Yaponiyaning Sidzuoka prefekturasi politsiyasi Yamaha Motor Company prezidenti Yosixiro Hidakaning qizi 33 yoshli Xana Hidakani hibsga oldi. Kyodo agentligining politsiyaga tayanib xabar berishicha, ayol otasiga hujum qilgan va oshxona pichog‘i bilan uning qo‘liga jarohat yetkazgan. Janob Hidakaning jarohati yengil bo‘lib chiqdi va uning hayoti xavf ostida emas.

Agentlik ma’lumotlariga ko‘ra, Yamaha Motor kompaniyasi prezidentining qizining o‘zi politsiyaga 16-sentyabrga o‘tar kechasi qo‘ng‘iroq qilgan. U otasi urganini aytdi. Biroq, Tokyo Reporter nashriga ko‘ra, voqea joyiga yetib kelgan 61 yoshli Hidaka u uxlab yotganida qizi unga pichoq bilan hujum qilganini aytgan.

Xana Hidaka hibsga olingan va otasini o‘ldirishga urinishda gumon qilinmoqda. Agentlik ma’lumotlariga ko‘ra,  kompaniya prezidentining qizi ishsiz va ota-onasi bilan birga yashaydi. Kompaniyaning o‘zi bu masala bo‘yicha izoh berishdan bosh tortdi, chunki masala hali ham tergov ostida.

Yamaha Motor Company - Yaponiyaning mototsikl ishlab chiqaruvchisi. U 1955-yilda Nippon Gakki Ltd’dan ajratilganidan keyin tashkil etilgan. (hozirda Yamaha korporatsiyasi). Kompaniya 2024-yil uchun Forbes Global 2000 dunyodagi eng yirik ommaviy kompaniyalar ro‘yxatida 1014-o‘rinni egalladi.