Saylovlar tarixida bunaqasi bo‘lmagan: Ramzan Qodirov jahon rekordini o‘rnatdi
Checheniston Respublikasi rahbari Ramzan Qodirov hudud rahbarligi uchun bo‘lib o‘tgan saylovda jahon rekordini o‘rnatdi, deb yozmoqda «Profil».
Rekordlarni qayd etish bo‘yicha xalqaro agentlik qayd etishicha, saylovchilarning 99,7 foizi Qodirovga ovoz berishgan.
«Interrekord» agentligi ma’lumotiga ko‘ra, Qodirov foiz ko‘rsatkichi bo‘yicha dunyodagi eng yuqori natijaga erishgan. Chechenlar saylovda faollik ko‘rsatishgani ham diqqatga sazovor — aholining 94,42 foizi.
Ramzan Qodirov jami 711 973 nafar saylovchining ovozini to‘pladi: qolgan nomzodlar bilan farq juda katta — Isa Hajimuradov 0,15 foiz, Xalid Nakayev 0,12 foiz ovoz yig‘ishgan, xolos.
Nisbatan yosh bo‘lishiga qaramay, Ramzan Qodirov Rossiyadagi eng tajribali gubernatorlardan biri — 2007-yilda Checheniston boshqaruviga kelganida 30 yoshda edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter