Putin va Zelenskiy noyabrda Indoneziyaga borishadi — elchi
Ukraina prezidenti Vladimir Zelenskiy va Rossiya prezidenti Vladimir Putin shu yilning noyabr oyida yuzma-yuz kelishi mumkin. Gap shundaki, har ikki prezident Indoneziyadagi sammitida qatnashishga rozilik bergan.
Bu haqda The National Indoneziyaning BAAdagi elchisi Husin Bagisga asoslanib xabar berdi.
«Ikkalasi (qatnashishga) rozi. Murakkab vaziyat. Mamlakatlar rahbarlari, ortiqcha bosim yuzaga kelmasligi uchun, alohida mehmonxonalarda joylashtiriladi. Shu masalada bosh qotiryapmiz», — dedi elchi.
Putin va Zelenskiy Balidagi sammitga borishsa, bu ularning Rsosiya-Ukraina urushi boshlanganidan buyon birinchi marta bir joyda paydo bo‘lishini anglatadi.
Lekin Zelenskiyning ofisi uning G20 sammitidagi ishtirokini hozircha tasdiqlamadi. «Yakuniy qarorga hali kelinmadi», — dedi matbuot kotibi Sergey Nikiforov.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter