AQSh Mudofaa vazirligi Qatar hukumati tomonidan sovg‘a qilingan Boeing 747 samolyotini rasman qabul qildi. Bu haqda Pentagon matbuot kotibi ma’lum qildi.

Samolyot Tramp prezidentligi davrida Oq uy uchun ehtiyot prezidentlik layneri sifatida xizmat qilishi rejalashtirilgan. Sobiq prezident lavozimini tark etgach, ushbu uchquchli layner Trampning kelajakdagi prezident kutubxonasi ixtiyoriga o‘tadi va u undan shaxsiy maqsadlarda foydalanishi mumkin bo‘ladi. Rasmiylar bu jarayon qonuniy asosda amalga oshirilganini ta’kidlashmoqda.

Shu bilan birga, ayrim tanqidchilar bu harakatni shubha ostiga olib, AQSh Konstitutsiyasida prezident Kongress roziligisiz xorijiy davlatlardan sovg‘a qabul qilishi mumkin emasligi aniq yozilganini eslatmoqda.

Ma’lumotlarga ko‘ra, samolyotning taxminiy narxi 400 million dollarga baholanadi. Shu bilan birga, uni prezident ehtiyojlari uchun moslashtirish maqsadida qayta jihozlash kerak bo‘ladi. Bu jarayon esa bir necha yil va yuzlab million dollar mablag‘ni talab qilishi mumkin.