Paragvayda yangi prezident saylandi
22-aprel kuni Paragvayda prezident saylovi bo‘lib o‘tdi. Unda «Kolorado» partiyasidan bo‘lgan nomzod Mario Abdo Benites yutib chiqdi. Bu haqda Paragvay oliy saylov sudi boshlig‘ining e’loniga tayanib, «Aif.ru» xabar bermoqda.
«Respublika prezidenti etib janob Mario Abdo Benites saylandi», — deb e’lon qildi oliy saylov sudi boshlig‘i Xayme Bestar. 96,6 foiz byulleten ko‘rib chiqilgach, Abdo 46,6 foiz ovozga ega bo‘lgan. Yangi prezident 2018-yilning avgustidan o‘z faoliyatini boshlaydi.
Ma’lumot uchun, Abdo Benites Paragvayni 1954 — 1989-yillarda boshqargan Alfredo Stessnerning o‘g‘li. 2015 — 2016-yillarda Abdo Paragvay senati rahbari bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter