O‘lim jazosini 55 yildan ortiq kutgan odam oqlandi
O‘z xo‘jayini, uning xotini va ikki bolasining qotili sifatida ayblanib, 1968-yilda o‘limga hukm qilingan Ivao Hakamada sud tomonidan oqlandi. Bu haqda BBC xabar berdi.
Ivao Hakamada hozir 88 yoshda, qotillik yuz bergan 1964-yilda 28 yoshda bo‘lgan.
2014-yilda Sidzuoka shahar sudi qotilning DNKsi Hakamadaning DNKsi bilan mos kelmasligini tasdiqlagan va mahkum ozodlikka chiqarilgandi. Biroq keyinroq Tokio sudi bu qarorni bekor qildi. 2023-yilda ish Yaponiya Oliy sudiga oshirildi.
Tergovchilar sudlanuvchiga kuch ishlatgan bo‘lishi mumkinligini hisobga olgan sud ishni qaytadan ko‘rib chiqdi. 1964-yilda hibsga olingan Hakamada qotillikni bo‘yniga olgan, biroq keyinchalik o‘ziga nisbatan kuch ishlatilgani sababli iqror bo‘lganini ma’lum qilgan.
2011-yilda Hakamada o‘lim jazosini eng ko‘p kutgan inson sifatida e’tirof etilgan.
24-sentyabr kuni AQShning Missuri shtatida 26 yil avval ro‘y bergan qotillikda ayblangan 55 yoshli Marsellas Uilyams qatl etilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas