Myanmada bir haftalik milliy motam e’lon qilindi
Myanmada zilzila munosabati bilan bir haftalik milliy motam e’lon qilindi.
«Motam 31-martdan 6-aprelgacha davom etadi», – deb xabar berdi MRTV Myanma harbiy xuntasi bayonotiga tayanib.
So‘nggi ma’lumotlarga ko‘ra, Myanmada 28-mart kuni sodir bo‘lgan zilzila natijasida 1700 dan ortiq kishi halok bo‘lgan, 340 kishi jarohatlangan. 300 dan ortiq odam bedarak yo‘qolganlar ro‘yxatida.
Qo‘shni Tailandda kamida 18 kishi halok bo‘ldi.
Bangkokdagi 30 qavatli minora qulagan joyda qutqaruv ishlari davom etmoqda. 78 kishi bedarak yo‘qolgan.
Eslatib o‘tamiz, 7,7 magnitudali zilzila Myanmada, jumladan, poytaxt Neypitau va ikkinchi yirik shahar Mandalayda keng ko‘lamli vayronagarchiliklarga sabab bo‘ldi. Yer silkinishlari Tailand va Xitoyda ham sezilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter