Isroil G‘arbiy sohilda keng ko‘lamli harbiy amaliyot boshladi
Isroil G‘azoda o‘t ochishni to‘xtatish tartibi kuchga kirganining ikkinchi kuni Iordan daryosining G‘arbiy sohilida «keng ko‘lamli harbiy amaliyot» boshladi. Hujum «aksilterror operatsiyasi» deya niqoblangan.
Jenin shahrida «Temir devor» nomi ostida kechayotgan hujum bir necha kun davom etadi, deb yozdi The Times of Israel.
Falastin sog‘liqni saqlash vazirligi isroilliklarning hujumi oqibatida Jeninda yetti kishi halok bo‘lgani, 35 kishi jarohatlanganini tasdiqladi. Isroil hukumati qurbonlar va jarohatlangan bo‘yicha munosabat bildirmadi.
Jenin hokimi Kamol al-Rub isroilliklar qochoqlar lageriga bostirib kirganini aytdi. «Bu juda tez yuz berdi: osmonda Apache vertolyotlari, hammayoqda isroil harbiy texnikasi», — dedi hokim.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter