Indoneziya yo‘qolgan suvosti kemasi cho‘kib ketganini e’lon qildi, ekipajning 53 a’zosi halok bo‘lgan
«KRI Nanggala-402» submarinasi.
Indoneziya hukumati yo‘qolgan suvosti kemasi cho‘kib ketganini, uning 53 nafar ekipaj a’zosi halok bo‘lganini e’lon qildi. Bu haqda AR xabar berdi.
Mamlakat Harbiy-dengiz kuchlari qo‘mondoni Xadi Tjaxjantoning aytishicha, submarina oxirgi marta suv ostiga yo‘l olgan Bali oroliga yaqin hududda neft dog‘lari hamda buzilishdan darak beruvchi ashyoviy dalillar topilgani «KRI Nanggala-402» kemasi halokatidan dalolat beradi.
Suvosti kemasi halokatining sabablari hanuz qorong‘uligicha qolmoqda. Mutaxassislar taxminiga ko‘ra, elektr tizimidagi muammo sababli ekipaj yuzaga qaytib suzib chiqa olmagan bo‘lishi mumkin.
Indoneziyaning «KRI Nanggala-402» submarinasi 1977-yili Germaniya Federativ Respublikasida ishlab chiqarilgan, 2012-yili Janubiy Koreyada zamonaviylashtirilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter