Indoneziya chempionatidagi ayanchli hodisa qurbonlari soni keskin oshdi
Indoneziya chempionatidagi o‘yinda sodir bo‘lgan dahshatli voqeada halok bo‘lganlar soni 129 kishidan 174 kishiga ko‘paydi. Bu haqda AFP axborot agentligi xabar bermoqda.
Voqea «Arema» va «Persebayya Surabaya» o‘rtasidagi futbol o‘yinida sodir bo‘lgan. Indoneziya 1-ligasining markaziy o‘yinida «Arema» o‘z maydonida jamoasiga 2:3 hisobida imkoniyatni boy berdi.
Uchrashuv yakunlangach, mag‘lubiyatga uchragan jamoa muxlislari maydonga yugurishgan.
Xavfsizlik xodimlari ko‘zdan yosh oqizuvchi gazdan nafaqat maydonga yugurib chiqqan muxlislarga, balki vahima va tiqilinch boshlangan tribuna tomon ham ishlatilgan.
Keyinroq Indoneziya xavfsizlik vaziri Muhammad Mahfud stadion to‘lib ketganini aytdi. O‘yinga ob’yekt kvotasidan 4000 nafar ko‘proq muxlis yig‘ilgan.
Indoneziya futbol assotsiatsiyasi allaqachon «Arema»ga mavsum oxirigacha uy uchrashuvlarini o‘tkazishni taqiqlagan, shuningdek, chempionat o‘yinlarini bir haftaga to‘xtatgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter