Yaqin kunlarda Germaniya sobiq kansleri Gerxard Shryoder sud qilinishi kutilmoqda. Unga qarshi yangi xotini — Soyon Shryoder-Kimning sobiq eri da’vo bilan chiqqan.

Shryoderga uncha-muncha ayblov qo‘yilmayapti — zino! Ayblov xulosasiga ko‘ra, aldangan er «emotsional stress»dan aziyat chekmoqda va kompensatsiya sifatida 100 million Janubiy Koreya vonini talab qilmoqda.

100 million von — taxminan 75 000 yevro. Bu sobiq kansler uchun uncha katta pul emas. Biroq bu ish bir necha yil oldin ko‘rilganida edi Shryoder jiddiyroq oqibatlardan xavfsiragan bo‘larmidi?! 2015-yilgacha Janubiy Koreyada er-xotin xiyonatiga ikki yillik qamoq jazosi tayinlangan.

Aldangan er hanuz ajrashish azobidan qiynalmoqda — pul ko‘ngil ozorining o‘rnini to‘ldirishi kerak. Biroq bu «sevgi tarixi»da Shryoder qanday rol o‘ynadi? Mazkur savolga sud yig‘ilishida javob topiladi. Negaki 51 yoshli koreyalik (Shryoderning xotini)ning ta’kidlashicha, u 2015-yilda sobiq kansler bilan uchrashishni boshlaganida, uning plastik jarroh (oldingi eri) bilan nikohi allaqachon buzilib bo‘lgandi.

Shryoder bu vaqtda hali Doris Shryoder-Kyopf bilan ajrashmagandi: 19 yil birga kechgan umr 2018-yilda barham topdi. SDPG siyosatchisining ta’kidlashicha, uning nikohi amalda 2016-yilning bahoridayoq barham topgandi.

Mavzuga oid: Germaniya sobiq kansleri Gerxard Shryoder beshinchi marta uylanadi: kelin — koreys tarjimoni

Nima bo‘lganda ham, Shredyor 2018-yilning mayida beshinchi marta uylandi. 75 yoshli kuyov nikohdan juda baxtiyor ko‘rindi, u hatto yangi qallig‘iga golf o‘ynashni o‘rgatdi. Berlindagi «Adlon» mehmonxonasida kechgan tantanali marosimda 51 yoshli «kelinposhsha» qo‘pol qadam tashlashi bilan hammaning e’tiborini o‘ziga jalb qilgandi.