Buyuk Britaniya Yevropa ittifoqidan hech qanday shartnomalarsiz chiqib ketishi kundek ravshanlashib boryapti. Yakuniy «Brexit»gacha 95 kun qoldi, siljish esa yo‘q, London va Bryussel murosa ko‘chasini topa olmayapti.

Shuning uchun ham Qo‘shma qirollik moliya vaziri Sajid Javid o‘z idorasidan ushbu xalqaro tashkilotdan «qattiq» chiqishga hozirlikni boshlashni talab qildi.

In 95 days we’ll be out of the EU. If we can’t leave with a good deal, we’ll have to leave without one. That’s why I have tasked @hmtreasury to immediately step up no deal preparations. https://t.co/noGJtBFTsT

— Sajid Javid (@sajidjavid) 28 iyulya 2019 g.

«Men moliya vazirligi oldiga bitimsiz «Brexit»ga hozirlikni tezlatish talabini qo‘ydim», — deb yozdi vazir «Twitter»dagi sahifasida.

Eslatib o‘tamiz, Buyuk Britaniyaning yangi bosh vaziri Boris Jonson mamlakatni «qattiq Brexit»ga tayyorlashga bor kuch tashlanishini aytgandi. Bir so‘z bilan aytganda, «eshiklar qattiq yopilishi»ga London hozircha shaymas, shuning uchun «temirni qizig‘ida bosish»ga ulgurish kerak.