Davosdagi Jahon iqtisodiy forumi «omikron» tufayli boshqa muddatga ko‘chirildi
Davos (Shveysariya) Jahon iqtisodiy forumi har yilgi an’anaviy yuzma-yuz uchrashuvlarni «omikron» shtammi tufayli yanvar oyidan yoz fasliga ko‘chirdi. Bu haqda tashkilot saytida ma’lum qilindi.
Xuddi bir yil oldingidek, muloqotlar raqamli formatda tashkil etilishi mumkin.
«An’anaviy uchrashuvlar Davos-Klosters (Shveysariya)da 2022-yilning 17–21-yanvar kunlari o‘tkazilishi rejalashtirilgandi. Endi bu muddat yozning boshlariga ko‘chirildi», — deyiladi tashkilotning bayonotida.
Ma’lumot uchun: Davos forumi birinchi marta 1971-yilning yanvarida tashkil etilgan. Bu xalqaro siyosat va biznes elita vakillarining Davos kurort shahri mezbonlik qiladigan iqtisodiy anjuman shaklida o‘tuvchi an’anaviy yillik uchrashuvidir.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter