Siz ko‘rib turgan suratda AQSh prezidenti Donald Tramp sobiq prezident Jo Bayden Oq uydagi Oval kabinetda qoldirgan xatni ushlab turibdi.

Fox News telekanali xatning mazmuni bilan tanishdi. Aytilishicha, xat quyidagi mazmunda:

«Qadrli prezident Tramp, bu muqaddas dargohni tark etarkanman, siz va oilangizga kelgusi to‘rt yilda eng ezgu tilaklarimni izhor etaman.

Amerika xalqi va butun dunyodagi odamlar tarixning muqarrar bo‘hronlarida bu uydan umidvor bo‘lishadi va men kelgusi yillar xalqimiz uchun farovonlik, tinchlik va inoyatli davr bo‘lishi uchun duodaman.

Suyukli mamlakatimizga asos solinganidan buyon baraka ulashgan va yo‘l ko‘rsatgan Yaratgan sizni yorlaqasin va yo‘l ko‘rsatsin».

1989-yilda Ronald Reygan Jorj Bush (Katta)ga xat qoldirganidan buyon bunday nomalar an’anaga aylangan. Garchi maktublar shaxsiy xususiyatga ega bo‘lsa-da, keyinchalik jamoatchilik e’tiboriga havola etilgan.

Bayden Trampga xat qoldirganini tasdiqladi. Tramp ham 2021-yilda Baydenga maktub qoldirganini aytgandi.