AQShda strategik bombardimonchi samolyot halokatga uchradi
AQSh havo kuchlari B-1B Lancer bombardimonchisi
Amerika Qo‘shma Shtatlarida B-1B Lancer strategik bombardimonchi samolyoti qo‘nish vaqtida halokatga uchradi, to‘rt ekipaj a’zosi katapultadan foydalanishga muvaffaq bo‘lgan, deb xabar beradi AQSh havo kuchlari xabariga tayanib Associated Press.
Samolyot o‘quv missiyasini bajarayotgan edi. Janubiy Dakotadagi Ellsvort havo kuchlari maydonida halokat sodir bo‘lgan paytda harorat noldan past va bulutlar tufayli ko‘rish masofasi yomon bo‘lgan.
B-1 ilk bor 1980 yillarda harbiy amaliyotlarga qo‘shilgan tovushdan tez uchuvchi bombardimonchi samolyot hisoblanadi. U Osiyo-Tinch okeani mintaqasida va Afg‘onistondagi operatsiyalar paytida ishlatilgan. Jami 100 ta B-1 bombardimonchi samolyotlari ishlab chiqilgan, kamida 60 tasi Janubiy Dakotadagi Ellsvort havo kuchlari bazasida va Texasdagi Dess havo kuchlari bazasida saqlangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter