Bugun, 16 avgust kuniga o‘tar kechasi Afg‘oniston, Tojikiston va Turkmanistonda zilzila sodir bo‘ldi. Bu haqda FVV Seysmoprognostik monitoring Respublika markazi xabar qildi.

Birinchi yer qimirlashi Toshkent vaqti bilan 00:57 da (15.08.2023 yil, Grinvich bo‘yicha 19:57 da) Afg‘onistonda sodir bo‘lgan.

Zilzila koordinatalari: 36,68 gradus shimoliy kenglik; 70,89 gradus sharqiy uzunlik. Magnituda M=3,9. Chuqurlik 140 km. Zilzila epitsentri Toshkentdan 530 km janubiy-sharqda.

Ikkinchi zilzila Toshkent vaqti bilan 02:26 da (15.08.2023 yil, Grinvich bo‘yicha 21:26 da) Tojikistonda yuz bergan.

Zilzila koordinatalari: 37,34 gradus shimoliy kenglik; 71,83 gradus sharqiy uzunlik. Magnituda M=4. Chuqurlik 164 km. Zilzila epitsentri Toshkentdan 491 km janubiy-sharqda.

Uchinchi yer qimirlashi esa Toshkent vaqti bilan 06:37 da (16.08.2023 yil, Grinvich bo‘yicha 01:37 da) Turkmanistonda zilzila sodir bo‘lgan.

Zilzila koordinatalari: 40,35 gradus shimoliy kenglik; 54,43 gradus sharqiy uzunlik. Magnituda M=5. Chuqurlik 116 km. Zilzila epitsentri Toshkentdan 1247 km janubiy-g‘arbda.