2024-yilda dengiz orqali Ispaniyaga kelishda 10 mingdan ziyod migrant halok bo‘ldi
Ispaniyadagi migrantlar huquqlarini himoya qiluvchi guruh o‘z hisobotini e’lon qildi. Unda aytilishicha, 2024-yilda dengiz orqali Ispaniyaga kelishda 10 mingdan ziyod migrant halok bo‘lgan.
Global News yozishicha, bu yil Ispaniyaga qayiqda yo‘l olgan muhojirlar o‘rtasida o‘lim ko‘rsatkichi kuniga o‘rtacha 30 nafarni tashkil etgan. Umumuiy o‘lim ko‘rsatkichi o‘tgan yilga nisbatan 58 foizga o‘sgan.
G‘arbiy Afrikani tark etgan migrantlar Ispaniyaga qarashli Kanar orollariga yo‘l olishadi — bu hududdan ular kontinental Yevropaga o‘tish punkti sifatida foydalanishadi.
15 dekabr holatiga qayd etilgan 10 457 ta o‘lim holatining aksariyati Atlantika yo‘nalishi deb ataluvchi mana shu xavfli dengiz yo‘liga to‘g‘ri kelgan.
Halok bo‘lganlarning 1 538 nafari — bolalar, 421 nafari — ayollar. Eng ko‘p halokat aprel va mayga to‘g‘ri kelgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter