2006-yilda ishga tushirilgan «Twitter» ijtimoiy tarmog‘i 2017-yilning IV choragida so‘nggi 12 yildan buyon birinchi bor daromad ko‘rdi. Aniqroq aytadigan bo‘lsak, sof foyda 91 million dollarni tashkil etdi, deb xabar berdi «ITC.ua».

2016-yilning IV choragidagi servis 167,1 million dollar zarar ko‘rgandi.

Kompaniyaning so‘nggi uch oydagi daromadi 735 million dollarni tashkil etgan, bu tahlilchilar tomonidan bashorat qilingan ko‘rsatgichlardan (686,4 million dollar) ham yuqori.

Kompaniya bir yil davomida 2,4 milliard daromad ko‘rgan, bu esa bir yil oldingi natijalarga ko‘ra 3 foizga kam. Butun yil hisobi bo‘yicha kompaniya 108 million dollar zarar ko‘rgan. Shunday ekan, birgina chorakda foyda ko‘rish butun yilni qoplamaydi. 

Mazkur ijtimoiy tarmoqdan o‘tgan yili har oyda 330 million kishi foydalangan, bu undan oldingi yilga qaraganda 4 foizga past demakdir.

Shuningdek, kompaniyaning reklama savdosi orqasidan ko‘rayotgan daromadi 7 foizga o‘sgan. NASDAQ savdo birjasining ochilishi bilan uning aksiyalari 20 foizga qimmatlashgan. So‘nggi yil ichida «Twitter» aksiyalari qiymati deyarli 50 foizga o‘sgan.