«Samsung Galaxy S21»da stilus bo‘ladimi?
«Samsung» kompaniyasining mobil qurilmalar bo‘linmasi prezidenti Te Mun Ro 2021-yil yanvaridagi «Galaxy S21» taqdimoti tafsilotlarini ochiqladi. Uning so‘zlaridan ko‘pdan beri kezib yurgan mish-mishlarga ham oydinlik kirgandek — gap bu yerda yangi flagmanda S Pen stilusi bo‘lish-bo‘lmasligi xususida.
Prezidentning aytishicha, «Galaxy Note» turkumidagi ko‘pchilikka ma’qul opsiyalar boshqa qurilmalarda ham tatbiq etiladi. Katta ehtimol bilan u aynan stilusni nazarda tutgan. Albatta, bu bayonotdan so‘ng beixtiyor kompaniya «Note» turkumining o‘zidan voz kechishni rejalashtirmayotganmikan degan fikr tug‘iladi, chunki bu qurilma asosan S Pen stilusi bilan boshqalardan ajralib turadi.
Yanvardagi taqdimotda hammasini bilib olamiz. Darvoqe, Ro kompaniya buklama smartfonlarini hamyonboproq qilish ustida izlanayotganiga ham to‘xtalib o‘tgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter