Britaniyaning «Engineered Arts» kompaniyasi muhandislari odamsimon robot ustida ish olib bormoqda. Fred ismini olgan robotning nafaqat skeleti, balki yuzidagi har bir xususiyati odamnikidan deyarli farq qilmaydi, deb xabar beradi «Hi-tech.mail.ru».

Robotning sochlari oq va yuzi horg‘in: Fred o‘rta yoshdagi odamlarga o‘xshaydi va maksimal darajada oddiy kiyingan.

«Engineered Arts» kompaniyasi bunga qadar ham ko‘ngilochar bog‘lar va kioskalar uchun robotlarni yaratgan edi.

Fred ulardan ancha farq qiladi: «Yovvoyi G‘arb olami» serialining yangi qismi uchun yaratilgan «Android» konstruksiya asosida ishlangan.

Kompaniya muhansidlari Fredga odamlar bilan gaplasha olish imkoniyatini ham qo‘shishgan. Fred ko‘zini pirpiratishi, esnashi va tinimsiz valdirashi ham mumkin.

Fredni yaratish uchun 12 hafta sarflangan: yozilgan minglab qator dasturiy kodlardan tashqari muhandislar bu vaqt davomida uning skeletini yig‘gan, akril ko‘zlar o‘rnatgan va yuz terisi maksimal darajada real shaklga keltirilgan.