6-7-iyun kunlari Toshkent shahridagi Inha universitetida barcha ro‘yxatdan o‘tgan abituriyentlar uchun konsultatsiya kuni o‘tkazilmoqda. Unda abiturentlar imtihonning o‘tkazilish shakli va tartibi bilan tanishishmoqda.

Har bir ishtirokchiga shaxsiy identifikatsiya raqami tushirilgan maxsus brasletlar beriladi.

8-9-iyun kunlari Toshkent shahridagi Inha universiteti kirish imtihonlari uchun ro‘yxatdan o‘tgan abituriyentlarga o‘z eshiklarini ochadi.

2019-2020-o‘quv yilida Toshkent shahridagi Inha universiteti kamida 420 nafar talabani qabul qilishni rejalashtirilmoqda.

Eslatib o‘tamiz, Toshkent shahridagi Inha universitetida abituriyentlar uchun kirish imtihoni uch marotaba o‘tkaziladi:

1) Faqat shartnoma asosida;

2) Shartnoma va grant asosida;

3) Faqat shartnoma asosida.

Kirish imtihonlari har bir mavzu bo‘yicha 20 ta savol bilan yozma ravishda o‘tkaziladi. Javoblar uchun 60 daqiqa beriladi. Savollar umumiy o‘rta ta’lim standart o‘quv dasturiga asoslangan. SOCIE yo‘nalishi bo‘yicha kirish imtihonlarini umumiy baholashda matematika darajasi 70%, fizika — 30% ni tashkil etadi. SOL imtihoni yo‘nalishi bo‘yicha faqat matematika.

Janubiy Koreyaning Inha universiteti vakillari imtihonini ochiq va oshkoralikda o‘tkazish va nazorat qilish maqsadida Toshkent shahridagi Inha universitetiga tashrif buyurishdi.

Shuningdek, Toshkentdagi Inha universiteti ommaviy axborot vositalarining vakillarini kirish imtihonlarida ishtirok etishga taklif qilgan.

Shuni ta’kidlash kerakki, har bir imtihon xonasida jonli translyasiya mavjud bo‘lib, bu esa abituriyentlarning ota-onalariga jarayonni onlayn tomosha qilish imkonini beradi.