Dunyodagi eng yupqa qo‘l soati chiqarildi (video)
Italiyaning Bulgari (logotipida Bvlgari yoziladi) premium-brendi dunyodagi eng yupqa qo‘l soatini chiqardi. Soatning qalinligi atigi 1,7 millimetr — hatto ba’zi tangalar ham bundan semizroq.
Octo Finissimo Ultra COSC soatini ishlashga o‘nlab muhandislarning mehnati sarflandi. O‘ta yupqa soat qismlarini yig‘ish shunchalik murakkabki, bittasini yasashga bir hafta ham yetmaydi.
Soatning ort qismi volfram karbididan ishlangan, bezeli, o‘rta qismi va tasmasi — titandan. Soatning aslligini tekshirish uchun siferblatiga Datamatrix-kod (QR-kodning bir turi) tushirilgan.
Qizig‘i, shu yupqa soatda ham vaqtni avtosozlash funksiyasi bor. Buning uchun soatni maxsus mexanizmli jamlanma qutisiga joylash kerak bo‘ladi.
Soat jami 20 nusxada chiqariladi. Narxi — 600 000 yevro.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter