«UWED MUN 2018» talabalar anjumanida ishtirok etish uchun arizalar qabuli boshlandi
Joriy yilning 11—13-may kunlari Jahon iqtisodiyoti va diplomatiya universiteti navbatdagi «Model United Nations» anjumaniga mezbonlik qiladi.
Anjuman mamlakatning turli universitetlaridan kelgan ilg‘or talabalarni bir joyga jamlaydi.
«Model United Nations» — yoshlar anjumani bo‘lib, unda qatnashchilar BMT faoliyatini simulyasiya qilgan holda o‘zlarining diplomatiya va xalqaro munosabatlar sohasidagi bilimlarini mustahkamlaydilar.
Anjuman qatnashchilari tashkilotchilar tomonidan taklif etilgan BMT qo‘mitalarining biridagi a’zo-davlat delegati sifatida ishtirok etadilar va muzokaralar davomida o‘sha davlat manfaatlarini himoya qiladilar.
Anjumanda ishtirok etish uchun «mun.uwed.uz» manzili orqali ro‘yxatdan o‘tish lozim bo‘ladi.
Tadbirni, shuningdek, ijtimoiy tarmoqlardagi sahifalar orqali ham kuzatib borishingiz mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter