Toshkent axborot texnologiyalari universiteti doktoranti Alisher Berdiyev tabiiy fanlar, axborot texnologiyalari va boshqaruv yo‘nalishi bo‘yicha O‘zbekiston Respublikasi Prezidentining davlat stipendiyasini qo‘lga kiritgan edi.

8-aprel kuni stipendiantlarga «Prezident stipendiyasi guvohnomalari» tantanali tarzda topshirildi.

Alisher Berdiyev 2006-2010-yillarda Toshkent axborot texnologiyalar universitetining «Radioaloqa, radioeshittirish va televideniye» fakulteti bitiruvchisi. 2010-2012-yillarda universitetni a’lo baholar bilan tugatib, magistr darajasiga erishgan.

2014-yilda Janubiy Koreyaning Seul milliy fan va texnologiyalari universiteti, 2019-yilda Avstriyaning Klagenfurt universiteti tinglovchisi bo‘lgan.

2020-yil 24-sentyabrda Prezident stipendiyasi tanlovida ishtirok etish uchun nomzod sifatida tavsiya etilgan edi.

Oliy ta’lim vazirligi tomonidan tashkil etilgan maxsus komissiya o‘tkazgan suhbat jarayonida eng ko‘p ovoz to‘plagan nomzod sifatida topildi.