Alisher Sa’dullayev boshqa ishga o‘tgani sabab vazifasidan ozod etildi
Xalq ta’limi vaziri o‘rinbosari Alisher Sa’dullayev boshqa ishga o‘tgani munosabati bilan lavozimidan ozod etilgan. Bu haqda «Turon24» xabar bermoqda.
O‘zbekiston prezidenti Shavkat Mirziyoyev bu haqdagi qarorni 25-oktyabr kuni imzolagan.
Aytilishicha, Alisher Sa’dullayev O‘zbekiston yoshlar ittifoqi Markaziy kengashi raisining birinchi o‘rinbosari lavozimiga o‘tishi kutilyapti. 2018-yil avgust oyida sobiq birinchi o‘rinbosar Odil Tojiyev Toshkent viloyati hokimining Yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlangandi.
Xalq ta’limi vazirligida uning o‘rniga kim tayinlanishi hozircha noma’lum.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter