Qizlarimiz jahon chempionati yo‘llanmasini qo‘lga kiritishdi
Koreyaning Pyongchang shahrida stol tennisi bo‘yicha jamoaviy 26-Osiyo chempionati davom etmoqda.
Musobaqada ishtirok etayotgan O‘zbekiston ayollar terma jamoasi minimal vazifani bajarib, 2024 yilda Koreyaning Pusan shahrida o‘tkaziladigan jamoalar o‘rtasidagi jahon chempionatida ishtirok etadi.
Sportchilarimiz guruh bosqichida Shri-Lankani 3:0, Filippinni 3:0 hisobida mag‘lub etishdi. Biroq chorak finalga chiqish o‘yinida Qozog‘iston terma jamoasiga 0:3 hisobida imkoniyatni boy berishdi.
Qizlarimiz chempionat yakunlariga ko‘ra 10-o‘rinni egallashdi. Ushbu natija stol tennischi qizlarimiz uchun JCh yo‘llanmasi uchun yetarli bo‘ldi.
2024 yilgi jahon chempionati 16-25 fevral kunlari o‘tkaziladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter