«Paxtakor»ning 5 futbolchisida koronavirus topildi
«Paxtakor» jamoasining 5 futbolchisida koronavirus infeksiyasi aniqlangan. Bu haqda Championat.asia xabar berdi.
Klub jamoani doimiy tibbiy nazoratdan o‘tkazish chog‘ida jamoa a’zolarining 5 nafarida koronavirus infeksiyasi mavjudligini aniqlagan va ularni tezda izolyasiya qilgan.
Superliga jamoalari ichida «Paxtakor» doimiy tarzda karantin qoidalariga amal qilib, koronavirusga test topshirib, tibbiy nazoratni kuchaytirganiga qaramasdan jamoa a’zolarining 5 nafar vakilida ushbu infeksiya aniqlangan.
Hozirda klubning barcha xodimlari, jamoa personallari va futbolchilari yana qo‘shimcha test topshirishgan. Mazkur test natijalari dushanba kuni chiqishi kutilmoqda.
Qaysi futbolchilar infeksiya yuqtirgani ochiqlanmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter