Osiyo Chempionlar ligasida to‘rt klubimiz qatnashadi
Futbol bo‘yicha Osiyo Chempionlar ligasi (OChL)ning 2023/2024 yilgi mavsumi guruh bosqichida O‘zbekistondan to‘rt jamoa — «Paxtakor», «Nasaf», «Navbahor» va OKMK ishtirok etadigan bo‘ldi.
Kecha, 22 avgust kuni OChL saralashining pley-off bosqichi uchrashuvlarida O‘zbekistonning ikki jamoasi — «Navbahor» va OKMK Qatarda «Al-Vakra» va «Al-Arabi» jamoalariga qarshi maydonga chiqdi. Har ikkala o‘yinda klublarimiz 1:0 hisobidagi g‘alaba qozonishdi va OChL guruh bahslariga yo‘l olishdi.
Osiyoning eng nufuzli musobaqasi guruh bosqichiga «Paxtakor» O‘zbekiston chempioni, «Nasaf» esa O‘zbekiston Kubogi sohibi sifatida yo‘l olgandi.
OChL guruh bosqichiga qur’a tashlash marosimi 24 avgust, payshanba kuni Toshkent vaqti bilan 13:00 da Malayziyaning Kuala-Lumpur shahrida bo‘lib o‘tadi.
Guruh bosqichi o‘yinlari 18 sentyabr — 13 dekabr sanalari oralig‘ida uy-safar tizimida o‘tkaziladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter