Novak Jokovich «hakamga zarba bergani uchun» musobaqadan chetlatildi (video)
Serbiyalik sportchi Novak Jokovich tennis bo‘yicha AQSh ochiq chempionatidan diskvalifikatsiya qilindi, deya xabar berdi «TASS».
Hodisa serbiyalik sportchi bir geymda mag‘lub bo‘lgandan so‘ng sodir bo‘ldi. Jokovich cho‘ntagidan koptokni chiqarib, yon atrofiga qaramay raketkasi bilan zarba berdi. Baxtga qarshi koptok borib laynsmen-ayolga tegdi. Ayol kuchli zarbadan yerga yiqilib tushdi va bir necha daqiqa o‘ziga kelolmadi. Hakamlar sportchiga to‘g‘ri kelmaydigan harakatlari uchun serbiyalikni chetlatishga qaror qilishdi.
Shu tariqa musobaqaning chorak finalida Jokovichning raqibi Pablo Karreno-Busta Denis Shapovalov (Kanada) — David Goffen (Belgiya) juftligi g‘olibiga qarshi o‘ynaydigan bo‘ldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter