Muhammad Saloh yana tengsiz va u buni yangi rekord bilan nishonladi
Bugun, 13-may kuni «Liverpul»ning misrlik hujumchisi Muhammad Saloh APLda mavsumning eng yaxshi futbolchisi sifatida taqdirlandi.
APLda mavsumning eng yaxshi futbolchisini aniqlashda ekspertlar, muxlislar va klublar sardorlari ovoz berishadi.
E’tiborlisi, misrlik futbolchi ushbu shaxsiy sovrinini APLning yangi rekordi bilan nishonladi. Gap shundaki, u ayni paytda davom etayotgan «Liverpul» va «Brayton» uchrashuvida hisobni ochdi va mavsumdagi gollari sonini 32taga yetkazib, APLning yangi rekordini o‘rnatdi. Bungacha u bir mavsumda eng ko‘p gol urish bo‘yicha Luis Suares, Krishtianu Ronaldu va Alan Shirer bilan teng natija qayd etib turgandi.
Eslatib o‘tamiz, Muhammad Saloh avvalroq Angliya professional futbolchilar assotsiatsiyasi (PFA) tanloviga ko‘ra, yil futbolchisi deb topilgandi. Shuningdek, «Liverpul» futbolchilari va muxlislari tomonidan 2017/18-yilgi mavsumning eng yaxshi o‘yinchisi deb e’tirof etilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter