Goal.com portali 2021-yil oxirida taqdim etiladigan «Oltin to‘p» mukofotiga da’vogarlar ro‘yxatini yangiladi.

Erkin agent maqomini olgan Lionel Messi da’vogarlar ro‘yxatida birinchi o‘ringa chiqib oldi. Reytingning avvalgi talqinida argentinalik hujumchi beshinchi o‘rinda edi.

Ikkinchi o‘rinni «Bavariya» hujumchisi Robert Levandovski egallab turibdi. Shuningdek, u reytingda to‘rtinchi o‘rindan yuqoriga ko‘tarilib olgan.

Birinchi o‘rinni egallab turgan «Chelsi» yarim himoyachisi N’Golo Kante Fransiya Yevro-2020 ni tark etganidan so‘ng uchinchi o‘ringa tushib ketdi.

Goal talqiniga ko‘ra «Oltin to‘p»ga asosiy da’vogarlar:

1. Lionel Messi («Barselona», Argentina terma jamoasi);
2. Robert Levandovski («Bavariya», Polsha terma jamoasi);
3. N’Golo Kante («Chelsi», Fransiya terma jamoasi);
4. Romelu Lukaku («Inter», Belgiya terma jamoasi);
5. Kilian Mbappe («Pari Sen-Jermen», Fransiya terma jamoasi);
6. Kevin De Bryoyne («Manchester Siti», Belgiya terma jamoasi);
7. Krishtianu Ronaldu («Yuventus», Portugaliya terma jamoasi);
8. Raxim Sterling («Manchester Siti», Angliya terma jamoasi);
9. Erling Xoland («Borussiya» D, Norvegiya terma jamoasi);
10. Neymar («PSJ», Braziliya terma jamoasi).