Haftaning o‘rtasida Ispaniya chempionatining 33-tur uchrashuvlari bo‘lib o‘tdi. Madridning «Real» jamoasi ishonchli yurishini davom ettirib, Benzema ikkita penaltini urolmagan bo‘lsa-da, g‘alaba qozondi va 15 ochkolik farqni saqlab turibdi. Umuman, bu turda boshqa futbolchilar ham belgilangan penaltidan foydalana olmagan.

Uning ortidan esa bir zaxira o‘yini bor «Barselona» kelyapti va hali chempionlik masalasi hal bo‘lganicha yo‘q. Albatta, oldinda 5 tur qoldi, madridliklar hammasida mag‘lubiyatga uchramasa kerak. Lekin baribir fakt bu fakt, ular hozircha chempion emas.

Kuchli to‘rtlikka kirish uchun ham kurash qizg‘in kechyapti. «Sevilya» va «Atletiko»dan tashqari «Betis», «Real Sosedad» va «Vilyarreal» ham YeChL yo‘llanmasini qo‘lga kiritishi mumkin. Quyida tur o‘yinlari, statistikalari, ramziy termasi va tur qahramoni haqida gaplashamiz.

La-liga, 33-tur natijalari

Malorka - Alaves - 2:1
Gollar: Prats, 11 (1:0). Muriki, 45+4 (2:0). Railo, 73 - o‘z darvozasiga (2:1).
19 aprel. Palma-de-Malorka. «Vizit Malorka Estadi» stadioni.
Bosh hakam: Sesar Soto Grado (Toledo).

Betis - Elche - 0:1
Gol: Morente, 82 (0:1).
19 aprel. Sevilya. «Benito Vilyamarin» stadioni.
Bosh hakam: Alberola Roxas (Kastiliya-La-Mancha).

Vilyarreal - Valensiya - 2:0
Gollar: Gruneveld, 10 - penaltidan (1:0). Gruneveld, 17 (2:0).
19 aprel. Vilyarreal. «Estadio-de-la-Seramika» stadioni.
Bosh hakam: Xose Munuera Montero (Andalusiya).

Atletiko - Granada - 0:0
20 aprel. Madrid. «Vanda Metropolitano» stadioni.
Bosh hakam: Xesus Xil Mansano (Don-Benito).

Selta - Xetafe - 0:2
Gollar: Mayoral, 23 (0:1). Mayoral, 51 (0:2).
20 aprel. Vigo. «Balaidos» stadioni.
Bosh hakam: Xayme Latre (Ueska).

Osasuna - Real Madrid - 1:3
Gollar: Alaba, 12 (0:1). Budimir, 13 (1:1). Asensio, 45 (1:2). Lukas Vaskes, 90+6 (1:3).
Urilmagan penaltilar: Benzema, 52 (darvozabon). Benzema, 59 (darvozabon).
20 aprel. Pamplona. «Reyno-de-Navarra» stadioni.
Bosh hakam: Rikardo De Burgos Bengoyechea (Bilbao).

Levante - Sevilya - 2:3
Gollar: Korona, 14 (0:1). Morales, 22 - penaltidan (1:1). Korona, 27 (1:2). Kunde, 81 (1:3). Soldado, 87 (2:3).
Urilmagan penalti: Morales, 71 (noaniq).
21 aprel. Valensiya. «Syudad de Valensiya» stadioni.
Bosh hakam: Isidro Dias de Mera (Daymel).

Espanol - Rayo Valekano - 0:1
Gol: Gvardiola, 42 (0:1).
21 aprel. Barselona. «Kornelya El Prat» stadioni.
Bosh hakam: Antonio Mateu Laos (Valensiya).

Kadis - Atletik - 2:3
Gollar: Raul Garsiya, 3 (0:1). Munyain, 22 (0:2). Vesga, 33 (0:3). Lukas Peres, 56 (1:3). Sobrino, 87 (2:3).
Urilmagan penalti: Munyain, 22 (darvozabon).
21 aprel. Kadis. «Ramon de Karransa» stadioni.
Bosh hakam: Valentin Pisarro Gomes (Madrid).

Real Sosedad - Barselona - 0:1
Gol: Obameyang, 11 (0:1).
21 aprel. San-Sebastyan. «Reale Arena» stadioni.
Bosh hakam: Karlos del Serro (Madrid).

Musobaqa jadvali

To‘purarlar (qavsda penaltidan urilgani)

25 ta
Karim Benzema (Real Madrid, 7)

15 ta
Xuanmi (Betis)
Raul de Tomas (Espanol, 4)
Enes Unal (Xetafe, 2)

14 ta
Yago Aspas (Selta, 3)
Vinisius Junior (Real Madrid)

13 ta
Xoselu (Alaves, 6)

12 ta
Xose Luis Morales (Levante, 2)

11 ta
Luis Suares (Atletiko, 2)
Anxel Korrea (Atletiko)
Gonsalu Gedesh (Valensiya, 1)
Karlos Soler (Valensiya, 7)

10 ta
Memfis Depay (Barselona, 4)
Arno Danjuma Gruneveld (Vilyarreal, 3)

Tur ramziy terma jamoasi (Xabar.uz talqini bo‘yicha)

Mark-Andre TER STEGEN (Barselona) – Pablo MAFFEO (Malorka), Jyul KUNDE (Sevilya), David ALABA (Real Madrid), Serxio ESKUDERO (Granada) – Lukas OKAMPOS (Sevilya), Raul GUTI (Elche), Iker MUNYaIN (Atletik) – Borxa MAYORAL (Xetafe), Arno GRUNEVELD (Vilyarreal), Xesus KORONA (Sevilya).

Tur qahramoni (Xabar.uz talqini bo‘yicha)

33-turning eng yaxshi o‘yinchisi sifatida «Xetafe» hujumchisi Borxa Mayoralni tanladik. Madridliklar «Selta»ga qarshi o‘yinda favorit emasdi, ammo aynan Mayoralning dubli evaziga ishonchli g‘alabaga erishishdi. Aytish mumkinki, bu 3 ochko ularni quyi ligaga tushib ketishdan asrashi mumkin.