Rossiyalik aralash uslubdagi jang ustasi Habib Nurmagomedovning menejeri Rizvan Magomedov amerikalik Dastin Pore bilan olishuvidan jangchining ishlab olgan gonorariga oydinlik kiritdi. Uning so‘zlarini «Sport-Ekspress» keltiradi.

— Olti million (dollar) — bu kamaytirilgan raqam. Habib Pore bilan jangdan Makgregor bilan jangdagidan ko‘ra ko‘proq pul ishlab topdi, — deydi Magomedov. Uning ta’kidlashicha, Nurmagomedov — dunyo tan olgan sportchi. U yaxshi gonorar olishi uchun taniqli jangchilarga muxtoj emas.

Joriy yil sentyabr oyida jangchining otasi Abdulmannop Nurmagomedov Porega qarshi jang uchun uning o‘g‘li Makgregorga qarshi jangidan ko‘ra 3-3,5 baravar ko‘proq pul ishlab olganini aytgandi. 2018-yil oktyabrdagi jangi uchun sportchi ikki million dollar ishlab topgan.

Habib Nurmagomedov — UFCning yengil vazn bo‘yicha amaldagi chempioni. U o‘zining so‘nggi jangida Poreni bo‘g‘uvchi usulini qo‘llab g‘alab qozondi. Habib Nurmagomedov hozirgi vaqtgacha MMA qoidalari bo‘yicha 28 ta jang o‘tkazib, ularning barchasida g‘alaba qozongan. U vazn toifalarini hisobga olmagan holda UFC reytingida ikkinchi pog‘onani zabt etib turibdi.