Globe Soccer mukofotiga nomzodlar e’lon qilindi
Har yili an’anaviy tarzda o‘tkaziladigan Globe Soccer futbol mukofotiga nomzodlar ro‘yxati e’lon qilindi. Bu haqda tashkilot saytida xabar berildi.
Xabarga ko‘ra, yil o‘yinchisi nominatsiyasiga quyidagi futbolchilar nomzodi qo‘yilgan: Karim Benzema («Real»), Robert Levandovski («Bavariya»), Kilian Mbappe, Lionel Messi (ikkovi — «PSJ»), Krishtianu Ronaldu («Manchester Yunayted») va Muhammad Saloh («Liverpul»).
Globe Soccer mukofoti 2009 yildan beri BAAning Dubay shahrida o‘tkazib kelinadi. Unda dunyoning eng yaxshi futbolchilari, murabbiylari va agentlari turli nominatsiyalar bo‘yicha g‘olib bo‘ladilar.
«Yilning eng yaxshi o‘yinchisi» nominatsiyasida eng ko‘p g‘olib bo‘lish Krishtianu Ronalduga nasib etgan, uning bu sovrinlari soni 6 ta. Messi (2015) bir marta, Levandovski ham (2020 yil) bir marta ushbu mukofotga loyiq ko‘rilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter